Jerome's Latin Vulgate (405 A.D.)

2nd Psalms 94

2nd Psalms (From the LXX)

Return to Index

Chapter 95

1

 quando domus aedificabatur post captivitatem canticum huic David cantate Domino canticum novum cantate Domino omnis terra 

2

 cantate Domino benedicite nomini eius adnuntiate diem de die salutare eius 

3

 adnuntiate inter gentes gloriam eius in omnibus populis mirabilia eius 

4

 quoniam magnus Dominus et laudabilis valde terribilis est super omnes deos 

5

 quoniam omnes dii gentium daemonia at vero Dominus caelos fecit 

6

 confessio et pulchritudo in conspectu eius sanctimonia et magnificentia in sanctificatione eius 

7

 adferte Domino patriae gentium adferte Domino gloriam et honorem 

8

 adferte Domino gloriam nomini eius tollite hostias et introite in atria eius 

9

 adorate Dominum in atrio sancto eius commoveatur a facie eius universa terra 

10

 dicite in gentibus quia Dominus regnavit etenim correxit orbem qui non movebitur iudicabit populos in aequitate 

11

 laetentur caeli et exultet terra commoveatur mare et plenitudo eius 

12

 gaudebunt campi et omnia quae in eis sunt tunc exultabunt omnia ligna silvarum 

13

 a facie Domini quia venit quoniam venit iudicare terram iudicabit orbem terrae in aequitate et populos in veritate sua 

2nd Psalms 96

 

 

 

Please Click the Ads.

Clicking the Ads helps us to keep this free Bible website open for everyone.

Thanks!

 

 

 

HTMLBible Software - Public Domain Software by johnhurt.com

 


Other Items are Available At These Sites: