Hebrew Old Testament

Joshua 19

Joshua

Return to Index

Chapter 20

1

וידבר יהוה
אל־יהושע לאמר׃

2

דבר אל־בני ישראל
לאמר תנו לכם
את־ערי המקלט
אשר־דברתי אליכם
ביד־משה׃

3

לנוס שמה רוצח
מכה־נפש בשגגה
בבלי־דעת והיו לכם
למקלט מגאל הדם׃

4

ונס אל־אחת מהערים
האלה ועמד פתח שער
העיר ודבר באזני
זקני העיר־ ההיא
את־דבריו ואספו
אתו העירה אליהם
ונתנו־לו מקום
וישב עמם׃

5

וכי ירדף גאל הדם
אחריו ולא־יסגרו
את־הרצח בידו כי
בבלי־דעת הכה
את־רעהו ולא־שנא
הוא לו מתמול
שלשום׃

6

וישב בעיר ההיא
עד־עמדו לפני העדה
למשפט עד־מות הכהן
הגדול אשר יהיה
בימים ההם אז ישוב
הרוצח ובא אל־עירו
ואל־ביתו אל־העיר
אשר־ נס משם׃

7

ויקדשו את־קדש
בגליל בהר נפתלי
ואת־שכם בהר אפרים
ואת־קרית ארבע היא
חברון בהר יהודה׃

8

ומעבר לירדן יריחו
מזרחה נתנו את־בצר
במדבר במישר ממטה
ראובן ואת־ראמת
בגלעד ממטה־גד
ואת־גלון בבשן
ממטה מנשה׃

9

אלה היו ערי
המועדה לכל בני
ישראל ולגר הגר
בתוכם לנוס שמה
כל־ מכה־נפש בשגגה
ולא ימות ביד גאל
הדם עד־עמדו לפני
העדה׃

Joshua 21

 

 

 

Please Click the Ads.

Clicking the Ads helps us to keep this free Bible website open for everyone.

Thanks!

 

 

 

HTMLBible Software - Public Domain Software by johnhurt.com

 


Other Items are Available At These Sites: